mercoledì 21 maggio 2008

A me' prijera di Flavia Vizzari

A ME' PRIJERA
Vurrìa tantu cu' Signuri bbeddhu
nun fussi sulu lu me' Patri,
vurrìa chi fussi puru
unu di llì me frati;
mi vurrìa sentiri
d'Iddu privileggiata
vurr'ìaviri cirtizza
chi chiddu chi ch'addhumannu
fussi sicuru chi mmi l'accunsenti;
troppu duluri esisti
'nta 'stu munnu,
troppi pinzèri rònni e malatìi.

Comu vurrìa, Signuruzzu bbeddhu,
jessiri sicura chi Tu mi dugni 'ntisa?
Ci tegnu tantu
a cchiddu chi haju 'nto' cori,
ma nun sugnu sula
cu stu ranni duluri

Tu sulu, ca d'idd'àssupra
vidi tutti li cosi,
poi scegliri a cu'
voi Tu 'ccuntintari.

Signuri mej, a Tia rivolgiu
la me' ranni prijera!
Ti pregu, scuta li paroli mei!

Flavia Vizzari

LA MIA PREGHIERA - Vorrei che Dio/ non mi sia solo Padre/ vorrei che fosse anche/ uno dei miei fratelli/ mi vorrei sentire/ da Lui privilegiata/ vorrei avere la certezza/ che quello che gli chiedo/ fosse sicuro che mi venga adempiuto/ troppi dolori esistono/ a questo mondo/ molti affanni e malanni// Come potrei Dio mio/ essere sicura che Tu mi ascolti?/ Ci tengo tanto/ a quello che ho nel cuore/ ma non son sola/ con questo grande dolore// Tu solo che dall'alto/ tutto vedi/ puoi stabilire a chi/ meglio concedi// Dio mio, a te rivolgo/ la mia preghiera/ Ti prego ascoltami!

Nessun commento: