venerdì 9 maggio 2008

A' MA' MATRUZZA di Giorgio Guarnaccia

A' MA' MATRUZZA
Matruzza mia, bedda, cara e dduci,
quannu ti viru provu 'na gran paci,
li to' capiddi janchi, la tà vuci,
tuttu ri ttia ju amu, tuttu mi piaci.
All'occhi mei tu rimani chidda
ca a lu so pettu strittu mi tinia
e ca spissu manciava pani e cipudda
ppi nun fari mancari nenti a mmia.
Cara mammuzza mia, ora sì vecchia,
'a trizza longa ora cchiù nun hai
ju pirò ora t'amo quantu mai
e tu vulissi riri ogni tanticchia.
Vulissi ca la morti disgraziata
t'avissi rò sa libbru cancellata.
Giorgio Guarnaccia

per contattarci - anteaspoesie@yahoo.it