E chiòvi...E chiòvi
allèggiu allèggiu
chiòvi dintra lu cori
chiòvi supra lu mari
'chiuvennu 'nchiana
all'aria 'perta
'ssicutànnu lu celu.
E chiòvi...
chiòvi màcari
'ddintra nuvuli janchi
ch'appressu'a luna
canciùnu culùri
chiòvi 'ntò menzu
di stiddi scunfinati.
E chiòvi...
chiòvi 'nta tutti
'i misteri du celu
comu chiòvi
dintra di tìa,
dintra 'lli tò pinzèri
ricamann'à mmènz'e stiddi.
E chiòvi...
chiòvi vulannu cu ventu,
scinnennu sutta lu mari
e ccu sàpi...
forsi forsi chiòvi
puru, attòrnu attòrnu
e 'nto menzu 'i nùi.
Flavia Vizzari
E PIOVE... - E piove,/ adagio adagio;/ piove dentro il cuore/ piove sopra il mare/ e piovendo sale/ in aria/ inseguendo il cielo./ E piove.../ piove pure/ dentro le nuvole bianche/ che vicino alla luna/ cambiano colore/ piove in mezzo/ alle stelle sconfinate// E piove.../ piove nei/ misteri del cielo/ come piove/ in te,/ nei tuoi pensieri/ ricamando tra le stelle infinite// E piove.../ piove volando nel vento,/ scendendo in fondo al mare/ e chissà.../forse forse piove/ anche, attorno attorno/ e in mezzo a noi.
Nessun commento:
Posta un commento