L'AMURI di Anita Popolo

E' uscita la raccolta di poesie in dialetto siciliano di Anita Popolo Unni di pinzeri. L'AMURI
L'amuri è senza tempu e senza fini
è alitu di vita.
E' na carizza, 'nbaciu, na parola,
ca li pinzeri si li porta via.
Si criri ca la vita t'abbannuna
e no ta cori nun c'è cchiù spiranza,
è iddu a miricina cchiù sicura.
Cercalu 'ntra li mura di la casa,
ppi la via, comu focu di vita o frinisia.
Cercalu 'ntra lu sguardu d'impicciriddu
o na la solitudini d'un vecchiu.
Nun senti lu ta cori comu batti?
Se c'è 'npocu d'amuri 'ntra di tia
la vita t'addiventa na poesia.
Ama quantu cchiù poi,
tantu ma tantu.
Picchì l'amuri è focu
ma focu santu.

Anita Popolo