CIURI DI CAMPUBiata la natura ca vi fici
e chini di culuri vi vistìu
'mmenzu all'erbicedda crisciti
gudennu lu tempu assignatu.
Picca lu ciauru ca pussiditi
ma basta 'a biddizza ppi giuiri
'na festa 'ntra li campi purtati
e casi e pirsuni ralligrati.
Quannu lu suli è 'o tramuntari
e 'stuta 'i luci dda' jurnata
pronti ssu 'i stiddi accumpariri
comu li ciuri mai siminati.
Michele Golino
Nessun commento:
Posta un commento