PENA D'AMURI di Lucia Campisi

SIRACUSA - Scogliera di Riviera Dionisio il Grande.

PENA D'AMURI

'U suli surgi!

Surgi nautru jornu senza l'amuri miu.

M'ha lassatu facennumi piniari.

'Sta pena mia è troppu ranni,

pirchì haju diciottu anni.

Mi strazza lu cori, la menti, la carni,

è peggiu di 'na malatia impurtanti.

Nun haju nè fami nè pitittu

nun dormu nè 'a notti nè 'u jornu,

nun pozzu cchiù sturiari,

e vaju a' scola quasi addummisciuta.

'U me' cori è friddu,

propriu cungilatu,

nun sacciu c'haju 'a fari,

sugnu sula e scunsulata.

'U penzu sempri,

e preju 'u Signuri,

di rarimi 'a fozza di suppurtari

'sti mumenti 'rispirati,

pirchì senza l'amuri miu

nun pozzu cchiù campari.

Lucia Campisi