lunedì 11 febbraio 2008

Quannu i carritteri cantavunu, era puisia.



Bedda ca nascisti a la Licata
- unni nascisti tu, rosa pulita -
a Muntidoru fusti vattiata
cu fasci d'oru e fasciuna di sita;
ca di Palermu t'arrivò 'a doti
e di Missina 'na vesti di sita.
Ccu ddi capiddi tò, ca su di fata
ti tiri l'omu cu la calamita.
Bedda ca li facisti quinnici anni
fatti la rizzimedda e jamuninni
ca m'a tinutu 'ntra dulura e affanni
lassa a to pà e mà e fujemuninni;
lu litticeddu è di pampini di canni
lu chiumazzeddu di cuttuni e pinni
venatinni ccu mia, amuri granni
pigghia 'a rizzimedda e jamuninni

2 commenti:

il siciliano di francia ha detto...

vedo che questa poesia ce sitato il nome di licata io ho abbitato a licata e mia sorella mariella e nata a licata--- licata la mia citta un saluto ciao coluccio

ANTEAS Cenacolo poetico dialettale ha detto...

I carrettieri, una volta, andavano a guadagnarsi la giornata da paese in paese, erano bravi nell'inventare testi di piccole canzoni (per di più d'amore o sdegno) che cantavano al passaggio per farla ascoltare a chi doveva ascoltare.
Ciao Coluccio!