Durmia sutta na macchia 'na Tartucaun Surci la tuccau, la vitti dura,
la critti petra o radica di vruca;
pinzau di farni esperimentu allura;
ma mentri supra c'azzica lu denti
arriminari e smòviri la senti.
Si arrassa, la cuntempla tutta intera
e vidi ch'avi testa, ed occhi, e vucca.
Dici 'ntra d'iddu: E' armali 'ntra la cera!
Ma la casa strascina unni si aggiucca!
Forsi avi assai chi perdiri, e di toppi
nun si fida; oggi s'aprinu cu sgroppi.
Spija: Pirchì pigghiariti sta pena
di purtari la casa unn'è chi vai?
Rispunni chidda: Pri stari sirena
unni mi piaci, e nun aviri mai
a lu me' latu lu malu vicinu,
chi è preludiu di pessimu matinu
G.Meli
Nessun commento:
Posta un commento