domenica 25 gennaio 2009

MARIA di Gino Cataudo

SIRACUSA - tramonto a Ognina.
MARIA
Quannu liggevu 'a pubblicità
parru... circa vinticinc'anni fa
'nt'aneddi c'era scrittu e 'nte cullani
T'AMU CHIUSSAI D'AIERI E MENU DI DUMANI.
Chisti ssu marrunnati, ju pinzava
pirchì quannu unu d'una s'innammura
era sicuru ca tuttu... lu sò amuri ci lu dava
sicuru ca nun puteva aumintari.
Si viri ca di cori, nun sapeva arraggiunari.
Ora ca ssu passati cchiù di vint'anni
di quannu ju ppi tia persi li sensi
penzu ca lu me' amuri è tantu granni
ca pò durari nautri cent'anni.
Poi mi votu arreri cco' pinzeru
e paragunu l'amuri di oggi ccu aieri
e mi rennu cuntu di quant'era stupidu pinzari
ca l'amuri nun puteva aumintari.
Poi ti talìu 'nta l'occhi tò beddi
e... ti stringiu li manu ...
Veru ca t'amu chiossai d'aieri
ma è sempri menu di chiddu di dumani.
Gino Cataudo

2 commenti:

Anonimo ha detto...

Gino Cataudo
complimenti!
by.. elena&asja

Anonimo ha detto...

la poesia è bella .il sentimento descritto ancora di piu'...ma è vero ?Il tempo non logora tutto?