LU MARTIRIU DI SANTA LUCIA di Giuseppe La Delfa

LU MARTIRIU DI SANTA LUCIA
Quanti suffirenzi Santa Lucia patìu
di lu sò martiriu ju vogghiu riurdari
ccu l'aiutu di Nostru Santu Diu
'sti rimi a' lu populu lassu giudicari.
Santa Luciuzza ppi sarvari a sò matruzza
jvu a' truvari a so' cucina Sant'Aituzza
addumannanuci ppi piaciri 'stu favuri.
Lu miraculu 'o Signuri nun ci costa nenti
fici filici a' Santa Luciuzza e a' so' parenti.
Turnata a' tonna a' Sarausa ccu primura
unni annunca l'aspittava 'na tinta vintura.
'Nu consuli rumanu tintu 'ri natura
'a vulìa ppi spusa 'a nostra criatura
idda nun vosi 'ccittari 'a so' candidatura.
Iddu c'arrispunnìu uora è arrivata la to' ura.
Luciuzza nun s'accalau a' so' proposta oscura
ci rissi m'accuntentu di 'na brutta sipultura,
pirchì sugnu 'mpignata sulu co' me' Gesù
moru filici, cuntenta e nun si nni parra cchiù.
Cara Luciuzza ora ca 'n celu sì di sicuru arrivata
tutta bedda, ciurusa, profumata e 'ssistimata
ammenzu all'ancili ti viru assittata e bìata
sicuru da 'u Signuri e da' l'Ancili fusti chiamata.
Ppi Luciuzza, la 'razia dumannamu tutti a lu Signuri
e uoggi, nni fici, 'n miraculu a' nuatri poviri piccaturi
ccu supprisa ri' Venezia arrivasti e t'accugliemu tutti quanti
e ti prumittemu ca seguemu 'u to' esempiu ppi 'ssiri santi.
Giuseppe La Delfa