domenica 25 gennaio 2009

'A CANZUNEDDA di Angelo Rullini

'A CANZUNEDDA
Pòttimi acqua frisca quattaredda
quantu levu 'sta siti çiamata
e vìviri ci fazzu a la me' bedda
ca m'accumpagna ni 'sta cianata.
Già ni lu çielu c'è la prima stidda
e la luna sbogghia 'nnammurata
lu cantu miu è 'na canzunedda
ca 'nnammurari fà di quant'è nata.
E cantu megghiu dopu na vivuta
di acqua frisca di 'sta quattaredda
e canta assemi a mia la me' bedda
ca m'accumpagna ni la mè çianata.
Cantamu assemi chista canzunedda
ca 'nnammurari fà di quant'è nata
mentri lu celu ha la prima stidda
e la luna sbogghia 'nnammurata.

Angelo Rullini

Nessun commento: