A SANTA LUCIA di Luigina Chimirri

A SANTA LUCIA
L'ossa mi tremanu, Santa Lucia,
mentri accuminciu a parrari di Tia!
'Na picciutteddha, virgineddha pura,
ma chi beddhi occhi ti fici la natura!
'A stiddha chià lucenti 'n si po' paraunari
a' lucintizza d''e to' ucchiuzzi rari.
Lu nomu ca purtasti fu Lucia,
nomu di luci splinnenti e puisia;
amasti ccu tutta la to' forza Diu
ca ogni turmentu picca ti parìu:
l'ucchiuzzi beddhi ti livaru,
lu sancu to' 'nnuccenti saljaru.
Ma l'Angileddhi in celu ti purtaru
pi la to' fidi forti, dopu la morti,
d''o paradisu ti 'raperu li porti!
Nui sempri 'nta lu cori ti purtamu,
ca sarausani comu a tia semu.
Pruteggici, ca sì 'a nostra Patruna,
beni e saluti a tutti nui tu duna!
Pirciò p''e strati ti jemu purtannu
cu prejju granni e jemu gridannu:
Sarausana si', santa Lucia
pruteggici c'avemu sulu a Tia!

Luigina Chimirri

visitate il sito: http://www.anteasnazionale.it/

per contattarci: anteaspoesie@yahoo.it