SICILIA BEDDA
Sicilia mia, ti vogghiu tantu beni
'ppi li biddizzi toi, di summu pararisu,
c'ammalianu 'a genti 'i tutti 'i paisi.
Sì n'incantevuli riggina 'mmenzu 'u mari,
curcata 'nta nu lettu comu tribbuolu.
Ti lassi accarizzari ro' suli, ro' ventu e mari.
Muncibeddu t'ammira e ssi nni godi,
virennu 'i to' biddizzi e li to' meravigghi,
e riri e sbuffa 'n celu tisoru di faiddi.
?u suli assuma 'nto mari di Pachinu,
tincennu 'i vigneti, d'oru supraffinu.
I vigniggnatura all'antu, cogghiunu racina.
I campagni sù tutti 'mprignati ri ciauru nustranu:
di ciliegginu, cantalupa, piridda e frutta di staggiuni.
Sicilia sì la riggina di lu mari, e ti nni po' vantari!
Paolo Valvo
Nessun commento:
Posta un commento