Janchi vileri
sgaggiunu lu mari
e 'ntrizzanu sunati cu lu ventu;
unni argintati
brillanu a lu suli
e addànzunu 'na danza
ritmata;
libiri àipi fanu festa
cu canti
e giravoti appassiunanti
e vannu pizzuliannu l'unni 'n testa,
tuttu è tranquillu
tuttu è funna cueti...
di 'st'armunia
l'anima mia stanca
veni rapita e torna
arreri arreri,
finu a truvari
di la carusanza
janchi vileri
Antonino Magrì
Nessun commento:
Posta un commento