Dicunu tutti da che munnu è munnuca 'nta l'aritmetica nun c'è sbagghiu
ppi cui si all'annu di munnizza
cincucentu chili all'unu ssi nni jetta
prima ca finisci a pagghiazzata
ci voli 'sta cugghiuta diffirinziata.
Si accatti un'elettrica apparecchiatura
la vecchia ci la duni a la putìa
ca d'obbligu ppi subbitu s'ha pigghiari
e ppi giusta liggi l'havi à smaltiri.
Hamu a ghittari cchiù picca e megghiu
ora ti dugnu qualchi cunsigghiu.
Quannu allegramenti fai 'a spisa
nun pigghiari robba a muzzu: fai na cosa
afferra cosi nichi e semplici ppà casa
prifirisci i prodotti cuncintrati
e robba fatta ccu cosi riciclati,
e li cuntenitori ca sbacantati
ci l'ha turnari a ccu ti l'ha vinnuti.
Pigghia li cosi usu famigghia
e non chiddi tipo usu e jetta
ritorna a la sporta di na vota
scancella li sacchetti di la spisa!
Chi metti nell'organico cuntinituri?
tu dicu sempri ju 'nta ddu paroli:
scarti 'i cucina e avanzi 'i manciari
scocci d'ovu, frutta e virduri
piatti, bicchieri in plastica, funni 'i tè
ciuri appassiti, pani duru, funni 'i cafè.
Nun mettiri stracci, carta patinata, nenti
comu cacca i cani e jattu e assorbenti.
'Nto postu dda' carta ci ponu stari
scatuli 'i pasta, libri e cartuni
quaterni, rivisti, fotocopii, giurnali
mentri macari ccà nun ppò azziccari
nylon, fazzuletti lurdi, pergameni.
Li cosi sunu tanti e ppi sapiri di cchiù
di lu governu it fai lu www.
Forsi facennu bona 'sta cugghiuta
'nta bulletta ni calunu la spisa
o è sonnu Catarina ca l'aria è duci
pirchì c'è cu l'aumentu nnu fici;
ma se un populu si viri macari ddà munizza
forza picciotti !!! mittemuci 'na pezza!!!
Nessun commento:
Posta un commento