POESIA

Il primo post dell'anno 2008 è una poesia dedicata al mese di Gennaio, se ne sconosce l'autore.

JNNARU

Friddu cristallu du' misi 'i jnnaru

è friddu 'u suli di l'aranci,

i morti dormunu e nun trantulìanu.

Sapuri di sorba

'mpinnati a scocca

e néspuli giappuni

misi a fàrisi

'nto lettu di pagghia;

ciàuru di fogghi 'i làuru

bruciati

'nto focu dda' conca,

e fumu di pinzeri

ca fa chianciri l'occhi.

Linzola di nuvuli

'ncuddurianu i jurnati;

accupu 'o scuru

aiutu!...

vogghiu campari!

'U pedi 'i mennula

ridi cche' denti janchi,

ridi all'amuri.

Du' jatti rumulìanu

'o lustru 'i luna

friddu.

Ju mi quariu

'o ciatu dde' riordi

e 'llongu i manu

a circari manu,

manu ca m'aiutunu.

'A petra ddo' ciumi

vistuta di lippu

'spetta carizza di suli

e jocu di giurani

foddi e sgriddi

comu picciriddi.

GENNAIO - Freddo cristallino del mese di Gennaio/ è freddo il sole delle arance/ i morti dormono e non hanno brividi/ Sapore di sorbe/ appese a cespi/ e nespole giapponesi/ messe a maturare/ nel letto di paglia/ odor di foglie d'alloro/ bruciate/ nel fuoco del braciere/ e fumo di pensieri/ che fa lacrimare gli occhi/ Lenzuoli di nuvole/ ravvolgono le giornate/ soffoco al buio/ aiuto!/ voglio vivere/ Il mandorlo/ ride coi denti bianchi/ ride all'amore/ Due gatti miagolano/ al chiar di luna/ freddo/ Io mi riscaldo/ all'alito dei ricordi/ e allungo le mani/ a cercare mani/ mani che mi aiutino/ La pietra del fiume/ coperta di muschio/ aspetta carezza di sole/ e gioco di girini/ folli e sguscianti/ come bambini.

per contattarci: anteaspoesie@yahoo.it