'A festa do' paisi era 'na vota all'annu, a sittembri, pà Madonna 'Ddulurata: missa, musica, murtaretti, pruppetti e maccarruna, càlia, gilati, 'ntinna a mari, 'ntinna 'è pignati, curca dde' varchi, prucissioni, e a menzanotti 'a cassa 'nfirnali. Tanu Patata a latu 'i 'na varca tirata a siccu durmeva 'n chinu e smarinava 'a 'mbriacatura c'aveva piscatu 'nto vinu ccà gazzusa nni mastru Silvestru.'Na vota all'annu 'u circu equestri, 'na vota all'annu don Luigi cu l'Opira dde' pupi; quarchi vota si faceva 'u tiatru 'nto magazzinu, unni ccu vinti tavuli e deci travotti don Nicu Arò isava un parcuscenicu ppa' Cumpagnia di tiatranti.
A sipariu calatu, quannu s'aspittava ppi canciari 'a scena, unu di ddi' tiatranti nisceva cu 'na macchietta o cu 'na canzunetta, comu chista e cantava...
Tridici figghi
dumani m'agghiornunu
mi cercanu pani
e dumannunu grani
Nessun commento:
Posta un commento