'Mpastu 'i riordi 'a mé carusanza, 'i quannu 'u me' paisi era 'na famigghia, 'na 'ranni famigghia di centu famigghi; di 'na porta all'autra e di finestra a finestra tutti ni parravamu e ppi strata tutti ni salutavamu. Bongiornu! salutava puru 'a campana 'i prima matina; Bon appitittu! ppi ricchi e puvureddi, 'o menzujornu; Bonasira! sunava a vintunura; Bonanotti! dopu dda' scurata, quannu stanchi 'i travagghiatura si ricugghievunu a casa cu 'na fazzulittiata 'i virdura e 'na cucciddata. Bonanotti! ccu l'ànciuli e cchi santi e...
Ju mi curcu e mi curcai
e tri anciuli truvai;
unu 'i testa e unu 'i pedi
e di latu San Micheli !
Nessun commento:
Posta un commento