LUCI DI STIDDALuci di stidda quanti facci fai
mirànniti vogghiu ju cu' lu pinzeri
viaggiu ppi' la storia e lu me' siri
vogghiu nall'anni ca' nun ci su ciui.
Mi sentu picciriddu ju arreri
quannu fantasticaja cu' lu mari,
mi porti quannu nun 'avia mai
paura ni la vita di muriri.
Tutta la fantasia mi pigghiaja
e lu tempu anticu era cu' mia
la storia di riggini e cavaleri
e di li nostri Santi, li martiri.
E sutta 'dda luci ju fantasticava
precisamente comu fazzu ancora
hanà passatu l'anni e 'un cangia mai
la luci di 'sta stidda amica mia.
Di Erculi mi cunta l'avventura
lu sonu di nuveni sentu ancora...
quannu la luci spacca li stissi mura
e la ciarùra nesci 'i fora.
Angelo Rullini
visitate il sito: www.anteasnazionale.it
per contattarci: anteaspoesie@yahoo.it
Nessun commento:
Posta un commento