La poesia che segue di Vito Portella non è altro che il testo di una canzone siciliana cantata dallo stesso Vito, mi è piaciuta e...PANI SICILIANU
Si vo' campari forti e sanu
manciati 'u pani sicilianu
è friscu, sapuritu e genuinu
è tuttu sangu ppi li to' vini.
Da quannu ssù vinuti
sti cumpanaggi strani
hanu la panza malata
tutti li siciliani.
Salami e salamini,
furmaggi e scatulami
li manci e sanu boni
ma sfascianu li rini.
Ma ccà 'ffari ddò cumpanaggiu
chistu è pani sulu di frumentu
Havi la forza di lu mari
e la putenza di lu suli.
Pi cu' si vo' guariri
no, nun ci vo' 'spitali
e nun ci vo' 'u dutturi
nun c'è midicinali
cc'è na rizzetta sula
la cchiù sicura e forti
'U pani sicilianu
ti sarva di la morti.
Li nostri antinati
campavanu cent'anni
fu 'u pani sicilianu
a fari li so' jorna.
Mureru grassi e frischi
e non di mali scuri...
comu si mori oggi
d'infartu e di tumuri.
Ma chi 'nn'a fari ddo' cumpanaggiu
chistu è pani di frumentu
ti fa campari sanu
ti sazìa 'nta mumentu
Vito Portella
Nessun commento:
Posta un commento