I carusi ca jucavunu 'o fazzulettu, facevanu ddu squadri e si mittevunu unu di facci all'autru a distanza. 'Na squadra puteva 'ssiri furmata da cincu, sei o setti carusi e ogni picciriddu aveva 'n nummiru, 'o centru di sti ddu squadri ristava un carusittu c'aveva 'nta manu 'n fazzulettu e faceva 'a parti dill'arbitru.Stu picciriddu chiamava nnu nummiru e i carusi appartenenti 'e ddu squadri, ccu stu nummiru ca precedentemente tra iddi s'avunu datu ammucciunu, avunu 'gghiri 'a pigghiari 'u fazzulettu.
Ccu pigghiava aveva 'a turnari 'o so' postu e l'autru picciottu ci doveva curriri appressu e si 'u pigghiava, prima ca 'u carusu co' fazzulettu fosse rientrato 'o so postu vinceva, viceversa vittoria 'a cantava 'u carusu cco' fazzulettu.
'Nta stu jocu i picciriddi amavanu fari 'i finti, cioè facevano capire all'avversario di pigghiari 'u fazzulettu, ma in realtà nun 'u tuccavanu. L'avversariu, cunvintu ca l'autru avissi pigghiatu u fazzulettu ci curreva attraversando dda linea e pirdeva pirchì l'autru carusu era senza fazzulettu.
Ad ogni chiamata veniva assegnato un puntu; naturalmenti vinceva 'a squadra ca faceva cchiu' punti.
Eh ... jochi 'i 'na vota!
Nessun commento:
Posta un commento