SPIRTIZZA DI LU CRIATURISi dici ca lu Diu di lu criatu
vosi nu iornu fari na spirtizza:
pigghiatu stranamenti di cuntintizza
dicisi di fari 'n omu ca pi fattizza
a nuddu iatru avissi assumigghiatu.
Rubbò du stiddi di lu firmamentu
e occhi addivintaru na mumentu;
peddi di mabbulanu, vucca 'ngannusa
ci desi a sta criatura sempri fistusa.
Ci misi 'ncori ranni 'ntra lu pettu
na vogghia di sapiri e di cuntari
ma si scurdò di farici giurari
ca fimmina una sula na va amari.
Priatu poi di tanta criatura
giuitta, ruci, rara e assangatuna
'nsapennu quali postu ci ava dari
calò l'occhi 'nterra pi taliari
e visti ca no menzu di lu mari
c'era na perla di biddizzi rari
la sula digna di putillu ospitari.
Allura lu chiamò di latu a latu
"amicu, teni 'nmenti stu dittatu:
la vita 'nterra è fatta di tristizza
di guai ti nni puoi fari na gran trizza
siccomu tu, però, mi sì cchiù caru
sarai 'mgignusu, priputenti e munzignaru
cu l'occhi di villutu scintillanti
che manu ne sacchetti pruvucanti
rispunni a cu ti capita d'incuntrari
"sicilianu sugnu e ti nì puoi priari"
www.anteasnazionale.it
anteaspoesie@yahoo.it
Nessun commento:
Posta un commento