(in foto Noto antica- cliccare sull'immagine per ingrandirla)QUANNU 'U CORI PARRA
Mi rissi: Ju ti ricu, figghiu miu,
'sta fimmina ppi zita nunn'è cosa;
è làira e fa pèrdiri u risiu
e lu so' fari è comu ri sciantosa.
Ri facci pari facci masculina,
u fisicu nunn'è na pirfizioni,
ccu l'anchi stuotti sutta la vistina
ri lu Signuri è mmalarizioni.
Na matri è assai difficili ca sbagghia
quannu lu bbeni voli ri lu figghiu
e vistu ca ppi tia è focu 'i pagghia
ascùtulu ri r'idda lu cunsigghiu.
Ci rissi: "Nun t'ascutu, matri mia.
L'amuri nunn'è pagghia e mancu canna,
è focu ca t'abbrucia, è frinisia
picchì a lu cori, no, nun si cumanna".
Visitate il sito: www.anteasnazionale.it
per contattarci: anteaspoesie@yahoo.it
Nessun commento:
Posta un commento