Anche il poeta, pittore, scultore Angelo Rullini di Cassibile nel corso della seconda riunione poetica ha fatto ascoltare la sua poesia NUSTALGIA.
NUSTALGIA
Si nun ci fussi nudda puisia
ni chistu munnu fausu e mafiusu
vivissimu 'na vita cciù ristìa
e ni lu munnu l'omu fussi fusu.
Si nun ci fussi munti, celu e mari
e mancu frutti o prati misi in ciuri
vivissimu la vita ccu' disprezzu
e ci vivissi bonu sulu un pazzu.
La puisia è signu d'amuri
e ll'omu chistu nun lu vo' capiri
ni la so' vita resta tutt'un 'pezzu
nun 'u distingui 'n saccu d'in 'canizzu.
Si nun ci fussi nudda puisia
ni chistu munnu fausu e mafiusu
finutu fussi ddu sintimentu 'risu
ca l'omu ciama spissu nustalgia.
Nessun commento:
Posta un commento