Durante i festeggiamenti a San Francesco si è svolta la sesta sagra dell'uva, e nel pieghevole del programma, sono questi versi di Giovanni Meli.LI BACCANTI (di Giovanni Meli 1787)
Li testi fumanu
già semu cotti,
buttigghi e gotti
vajanu a càncaru
sennu e giudiziu,
oggi sia viziu
la gravità.
?ntra la mestizia
li guai s'avanzanu
sulu si scanzanu
stannu accussì
la cispa ìnzemmula
lu calasciuni,
vini a bulluni
e amici 'nsì
Fumu è la gloria
l'amuri è focu
è nu scherzu, nu jocu
la giuvintù.
Prima ca tremula
vicchiaja arriva
si sciali e viva
a cui po' cchiù.
Proi sta ciotola
bedda picciotta
ch'iu 'ntra 'na botta
l'asciuchirò
Comu rivugghiunu
sti bianchi scumi
vugghia e addumi
lu cori to!
Tasta st balsamu
tastalu chissu
l'amuri stissu
cca dintra cc'è.
Comu arrisicanu
ssi mascidduzzi!
oh li labbruzzi
talè talè
Scurra l'oceano
l'inglisi audaci,
ch'eu vogghiu in paci
starimi ccà.
Si poi lu Pelagu
vinu farria
jeu scurriria
forsi cchiù ddà
Sinu a lu Messici
vaja l'avaru
cerchi ogni scasu
di lu Perù.
'Nta ciaschi e bummuli
su li ricchizzi
li cuntintizzi
dda dintra su.
Morti nun curasi
d'oru e di ramu
dunca tummamu
buttigghi olà!
Spittarla serii
E' cosa grevia,
li jorna abbrevia
sicchi ci fa.
Fora li trivuli
a llargu vaja
grunna e vicchiaia
resti l'olé!
Gridi: trinch-vaine;
fraula curtisa
maetres francisa
alon touché.
Tavuli e brindisi,
amanti, amici
fannu filici
l'umanità.
Viva lu viviri!
viva lu jocu!
viva lu focu!
chi in pettu stà.
Nessun commento:
Posta un commento