(SIRACUSA - ponte umbertino)I PONTI
E ristasti 'mpicatu
a taliari 'a luna
farisi bedda 'nto mari.
E ristasti cchè vuci
ca parravunu o' cori
'nto celu d'Ortigia.
E ristasti accussì
comu un carusu
ascutannu 'u ventu.
E ristasti mutu
a taliari dda' navi
attraccari o' molu.
E ristasti a sunnari
ppi li to' figghi
'na vita d'amuri.
E ristasti picciriddu
appujatu o' curniciuni
di la to' carusanza.
E ristasti dda'...
'e ponti do' rettifilu.
Armando Carruba
2 commenti:
Desidero rivolgerLe la mia stima più sincera, i Suoi versi emozionano e, nella loro genuinità, trasmettono sentimenti profondi. Andrea.
Andrea grazie per i complimenti!!!
armando
Posta un commento