venerdì 18 giugno 2010

'U TRAMUNTU SARAUSANU di Giuseppe Barbagallo

video

'U TRAMUNTU SARAUSANU

Quannu tramunta 'u suli
a la marina
e ri russu
si culura l'unna,
'nta 'st'unna tremula,
'nta 'st'unna ca camina
c'è 'na varcuzza
ca pari c'affunna.

'Na nuvula
si cancia ri culuri,
'ntò molu
cu 'na canna 'n piscaturi,
'nt'o celu
'na niura filagna
ri passariddhuzzi
ca tornunu 'ra campagna.

'Nu scogghiu
ca si lassa accarizzari,
ri l'unniceddha
ri 'stu beddhu mari.

'Stu quatru
'u fici Diu, cu la so' manu
e lu chiamò:
tramuntu... però sarausanu!

Giuseppe BARBAGALLO

per contattarci - anteaspoesie@yahoo.it