venerdì 18 giugno 2010

ORTIGIA MIA di Neli Seguino

(via Dione - Ortigia SR)
ORTIGIA MIA
Passatu è 'n annu e m'hanu parsu centu
ca nun ti virevu cchiù Ortigia mia!
vacanti lu me' pettu ancora sentu
pirchì lu cori lu lassai a tia.
Ora ca sugnu ccà ccu tantu amuri
mi vogghiu dedicari tuttu a tia
vogghiu passari in paci tutti l'uri
di la matina 'nzinu l'Avimaria.
Vogghiu sustari spissu a la Marina
sentìri li canzuni di lu mari
e dill'aciduzzi musica divina.
Quannu ripartu e vadu a la stranìa
lu cori miu ti vogghiu ridunari
pirchì ti amu Sarausa mia!
Ti amu fertili terra ginirusa
ca chianciri mi fai di nustalgia;
ti penzu sempri amata Sarausa
e soffru tantu di malincunia.
Isula ca m'ha datu li natali
m'attiri comu fussi calamita
la luntananza mi fa tantu mali
ca mi turmenta l'esistenza a vita.
Terra mia tuttu amuri e puisia
ogni criatura tò ti devi amari
ccu tuttu 'u cori 'nzinu a' fuddìa.
Ciuri ca ssì sbucciatu 'ntra lu mari
lu focu ca mi cuva 'nta lu pettu
è tantu ardenti ca nun si pò stutari.

Neli Seguino

Ho conosciuto Neli Seguino nel 1976. Presentatomi da un amico, venne ospite in un mio programma radiofonico a Radio IN, stupì tutti per la bravura nel porgere le poesie, ricordo che dovettimo chiudere le linee telefoniche per poter continuare il programma, e gli ascoltatori numerosi vennero in Radio per poter conoscere quella voce.
Neli Seguino, siracusano della via Maestranza - come sottolineava lui - è stato uno dei migliori attori siracusani del secolo scorso, viveva a Roma e ogni anno le ferie le passava nell'amata Siracusa, lo aspettavano gli ascoltatori e quando l'annunciavo i telefoni, come si suol dire, bollivano!
Recitava con disinvoltura in dialetto siciliano, napoletano e romano; i suoi pezzi forti LA LIVELLA di Totò, IL COMBATTIMENTO DI ORLANDO E RINALDO di Nino Martoglio e la ciliegina sulla torta ER FATTACCIO di A. Giuliani.
Tra una scenetta, una poesia e un bel sigaro ultraottantenne è uscito di scena lasciandoci il suo sorriso.
armando

Nessun commento: