venerdì 28 novembre 2008

CAMINANNU PPI ORTIGIA di Armando Carruba


(immagini prese dal sito: http://www.basilicasantalucia.it/)
CAMINANNU PPI ORTIGIA
Comu 'n amicu ca perdi di vista
e lu scontri 'ntra jornu di festa
accussì t'ancuntrai Ortigia mia
lu tridici dicembri ppi S. Lucia
Ju tiru avanti cche' soliti guai
ma tu, scusa, beni nun stai
comu canciasti completamenti
'nto giru di na para d'anni?
Forsi ssì vecchia e nun teni u passu
a chiddu ca oggi chiamanu progressu
ca la genti la custringi a stari
sempri cchiù vicinu 'e cimineri.
Lassamu perdiri sta malincunia
almenu oggi ca è Santa Lucia
talìa 'stu ciumi di cristiani
ca la Santa vonu salutari.
Sai t'haju 'a diri na cosa
era tantu ca nun scinnevu a Sarausa"
Mi dici di bottu me' mugghieri
ca già si livò i scarpi dde' peri.
Mi veni di fari na cunsiderazioni
si tu Ortigia dumani, finisci e mori
a ccu lu dicu ccu aria pumpusa:
Staju vinennu! quantu scinnu a Sarausa!
Sarausa ssì tu isula mia
talìa passa Santa Lucia
parrati palazzi, strati, monumenti
Idda vidi e nun nega nenti.
Canusci 'a Raziedda e Masciarrò
sapi dda' casa ca si sdirrubbò
e si 'n jornu Ortigia morirà
canciamuci nomu a 'sta città
Armando Carruba

Nessun commento: