CANZONE POPOLARE

'NTA LA VALLE DI MINNOLA
E bedda biddicchia lèggiti 'sta nota
fari nun pozzu cchiù 'sta mala vita.
Appena chi ti visti 'a prima vota
mi lassasti 'nto cori 'na firita.

E parlari ti vuleva 'na sula vota
si ssì cuntenta ti vogghiu ppì zita.
S'iddu la sorti mia nun mi sbota
lu spassu ssì tu di la me' vita.

Ju sugnu 'nta la valli di Minnola
nun sacciu quannu è sabbatu la sira.
Nun sentu no 'rraloggiu e non campani
sulu ca sentu scrusciu di catini.

Lu sàbatu si chiama allegra cori
bbiatu ccu javi bedda la mugghieri.
Cu l'havi brutta cci scura lu cori
mancu spia lu sàbbatu quann'eni.

Cu javi dinari picca sempri cunta
cu havi 'a mugghieri bedda sempri canta.

NELLA VALLE DI MINNOLA - E bella bellina leggiti questa nota/ fare nopn posso più cattiva vita/ Appena che ti ho vista la prima volta/ mi hai lasciato nel cuore una ferita/ E parlare ti volevo una sola volta/ se sei contenta ti voglio per fidanzata/ Se la mia sorte non mi travolge/ l'allegria sei tu della mia vita/ Io sono nella valle di Minnola/ non so quand'è sabato la sera/ Non sento nè orologio nè campane/ solo sento rumore di catene/ Il sabato si chiama rallegra cuori/ beato chi ha bella la moglie/ Chi l'ha brutta gli si abbuia il cuore/ neanche chiede quand'è sabato/ Chi ha pochi denari sempre conta/ chi ha la moglie bella sempre canta.

www.anteasnazionale.it

per contattare questo blog scrivere a: anteaspoesie@yahoo.it