lunedì 16 gennaio 2012

PARPAGHIUNEDDU di Orsolina Pace Mazzarese

PARPAGGHIUNEDDU Parpagghiuneddu chi mi giri ‘ntunnu, quali nova mi porti? – ti dumannu. Di quali parti veni di lu munnu? Dimmillu. Nun l’aviri ppi cumannu. Nun sugnu vampa e nun t’abbruciu l’ali puru chi focu vivu è lu mè cori! Tu lu capisci? Nun ti vogghiu mali! Lu sai! A la vampa un parpagghiuni mori! Giri e rigiri cu l’aluzzi scuri E nun capisciu ‘nzoccu mi vo’ diri! Nun mi purtari novi di duluri! Portami beni, chi lu suli riri! Ma si la nova chi mi porti è mali, nun la lassari ccà vicinu a mia! Portatilla luntanu, supra l’ali, Lassala abbannunata a la stranìa. Orsolina Pace Mazzarese FARFALLINA – Farfallina che mi giri attorno/ quale notizia mi porti ti domando/ Da quale parte viene del mondo/ dimmelo … non prenderlo come comando/ Non sono vampa e non ti brucio l’ali/ anche se fuoco vivo è il mio cuore/ Tu lo capisci? Non ti voglio far male/ Lo sai! Vicino la vampa una farfalla muore!/ Giri e rigiri con l’alette scure/ e non capisco quello che vuoi dirmi/ Non mi portare brutte notizie/ portami quelle liete che il sole ride!/ Ma se la notizia che mi porti è brutta/ non la lasciare vicino a me/ portatela lontano, sopra l’ali/ lasciala abbandonata in terra straniera.
video