lunedì 1 marzo 2010

PRIGHIERA di Luigina Chimirri

video
PRIGHIERA

Dintra 'sti quattru mura siggillati
c'è tuttu scrittu lu distinu miu;
sugnu comu 'na varca 'nta lu mari,
sulu lu Patri Eternu mi pò ajutari!

Ognunu nasci o' munnu cu 'na cruci,
pisanti o leggia, comu sia sia;
ju m'accuntentu di chista cruci mia
e, suddhu iddha mi pisa,'un jettu vuci...!

Tu, ca lu Patri si' di tutti quanti,
pi 'nsignàrici, purtasti 'a chiù pisanti!..
e 'a purtasti cu tutta la pacienza
finu a lu jornu di la to' sintenza.

Pirdunami, Signuri, si sbagghiai!
e dunami la forza 'i suppurtari,
ca li piccati mei haju a scuntari!
...e Ti prumettu di nun chiù sbagghiari!

Luigina Chimirri

per contattarci - anteaspoesie@yahoo.it