U SANTU TRAVAGGHIU

Tanti travagghi dda' campagna e puru dda' marina si facevunu in nomu di Diu e dì Santi. Ppi San Antoniu, patruni di porci e armali, si binidicevanu i vacchi, maiali, scecchi e pècuri, jaddini e cunigghia; e a marina i varchi e i rizzi. A Mistretta ppà festa dda' Madonna 'u Carminu (16 lugliu) si purtavunu in chiesa cannistri di prima racina; a tanti àutri bannidda' Sicilia si purtavunu 'o Santu prutitturi, pezzi i furmaggiu, crasti, viteddi e palummi; a chiesa ogghiu ppa' lampa e vinu ppa' missa; a Cesarò, sacchi di 'ranu ppi San Calòriu, ciciri e favi a Licata, cannistri di pisci ppi Sant'Ancilu.

POESIA DIALETTALE

PUISIA D’AMURI C’è ‘jntra ‘i mia ‘jntra ‘i tia, ‘n puntu nicu nicu ammucciatu, nostru e di nuddu cchiù! Nun si viri ma c’è… comu na stidduzza lucenti ‘nta na nuttata ardenti; ‘nto funnu do’ to’ cori e ddo’ miu. Stu puntu nicu nicu è funti d’amuri granni ca nun si po’ stutari pirchì parti ddò cori. 04/09/03 Armando Carruba POESIA D’AMORE – C’è/dentro me/dentro te/un punto piccolo piccolo/nascosto/nostro/e di nessun altro!/Non si vede/ma c’é…/come una piccola stella che brilla/in una notte ardente/nel fondo del tuo cuore/e del mio./Questo punto piccolo piccolo/è fonte di un grande amore/che non si può spegnere/perché parte dal cuore.