CANNOLU - Pitrè

Beddi cannola di Carnilivari,
megghiu vuccuni a lu munnu nun cci n'è;
ssu biniditti spisi li dinari.
Ogni cannolu è scettru di ogni Re;
arrivanu li donni a disirtari;
lu cannolu è la virga di Moisè;
cu nun ni mancia, si fazza ammazzari,
cu li disprezza è un gran curnutu affè!

VERSI POPOLARI

MARITARI
Giuvani ca vi aviti a maritari,
viniti ccà nni mia, ca vi cunsigghiu.
Nun vi faciti di donni 'ngannari,
comu 'ngannaru a mia poviru figghiu.
Cui mi prumisi robba e cui dinari,
cui mi prumisi la casa e lu stigghiu,
la prima sira ca m'avia a curcari
sì braci nun avìa, muria di friddu.

Pitrè

VERSI POPOLARI

LA LUNTANANZA
La luntananza 'un abbannuna amuri.
chiuttostu metti vampa 'ntra lu cori,
ju cuntu l'anni, li mumenti e l'uri,
jettu un suspiru e penzu a ddi paroli;
amuri mi turmenta tutti l'uri,
mi l'arrubbasti tu s'afflittu cori:
cu' fu chi t'assulviu? lu cunfissuri?
Nun si lassa l'amanti si 'un si mori!

L.Vigo Raccolta Amplissima

I PONTI di Armando Carruba

(SIRACUSA - ponte umbertino)
I PONTI
E ristasti 'mpicatu
a taliari 'a luna
farisi bedda 'nto mari.
E ristasti cchè vuci
ca parravunu o' cori
'nto celu d'Ortigia.
E ristasti accussì
comu un carusu
ascutannu 'u ventu.
E ristasti mutu
a taliari dda' navi
attraccari o' molu.
E ristasti a sunnari
ppi li to' figghi
'na vita d'amuri.
E ristasti picciriddu
appujatu o' curniciuni
di la to' carusanza.
E ristasti dda'...
'e ponti do' rettifilu.

Armando Carruba

MANGIAR SICILIANO

ACCIUGHE ACETO E PEPERONCINO

Ingredienti - acciughe, aceto di vino, aglio, prezzemolo, peperoncino, mollica, olio d'oliva.

Preparazione - pulite le acciughe eliminando testa e lisca e lavatele con cura anche con l'aceto. Tritate laglio, unitevi il prezzemolo, tritato anch'esso, il peperoncino e la mollica inumidita con l'aceto. Aggiungete l'olio e disponete il composto sulle acciughe. Mettete in frigorifero per un giorno e servite.


per contattarci - anteaspoesie@yahoo.it

VIA DULURUSA

Via Crucis al Dopolavoro ERG 20 marzo 2008. Maria (Imma Messana) sotto la croce (Francesco Garofalo) foto di Gino Cataudo. Maria passava ppi 'na strata nova
la porta d'un firraru aperta era
- Oh caru mastru cchi fai a st'ura?
- fazzu 'na lancia ccu tri pungenti chiova
- Oh caru mastru nun li fari a st'ura
di novu ti la paju 'a maestrìa
- Oh cara donna nun lu pozzu fari
ca unni c'è Gesù ci mettunu a mia!
- Oh caru mastru mi lu vo' 'nzignari
unn'è l'amatu figghiu di Maria?
- Oh cara donna, si lu vo' truvari
lu stissu sangu t'inzigna la via.
(POPOLARE)


per contattarci - anteaspoesie@yahoo.it

PROCESSO A GESU' - LA NUOVA SCENA

Le immagini si riferiscono ad una edizione della Via Crucis della NUOVA SCENA di qualche anno fa. Cliccare sull' immagine per ingrandirla.