MAMMUZZA BEDDA di Armando Carruba

Questa è la mia famiglia. Foto anno 1958: da sx a dx - Io, papà 1897/1974, Gerlando 1939/1990, mamma Fany 1906/1981, Luigi 1928/2001, Antonietta 1932/1995, Giusella 1924/2001. MAMMUZZA BEDDA
Mammuzza bedda, oi è la to' festa!
tu nun ci sì, 'i tia sulu resta
'u riordu dde' to' 'nsignamenti
senza chisti, 'a me' vita è nenti.
'U nicu crisci beddu, intraliggenti
senti chi cumminò stu gran birbanti,
dumannò propriu aieri matina:
Papà ma unn'è 'a to' mammina?
In celu - dissi - unn'è ca cc'è Gesù
e di stu discursu nun ssi parrò cchiù.
Oi 'nto jardinu chgghìu 'na rosa
e l'attaccò 'a cura dda' cumeta
ppi falla abbullari 'nzinu 'o celu
accussì avevi 'n ciuri in donu.
Ma 'a cumeta, ca cura pisanti
furriò, si ruppi in su l'istanti...
dda rosa si spampinò tutta para
'n corpu 'i ventu 'a purtò luntana.
'A vistu pà? mi dissi ccu amuri,
tutti 'i mammi 'n celu hanu 'n ciuri!
Armando Carruba

LA FAMIGGHIA E LA MATRI di Angelo Rullini

Il poeta, pittore e scultore Angelo Rullini LA FAMIGGHIA E LA MATRI
La famigghia è lu principiu di tuttu,
lu muturi ca porta avanti l'omu,
nasci dall'amuri e si fa amuri,
ni lu travagghiu cerca lu so' pani.
Senza famigghia nun c'è mancu beni
jssimu avanti comu tanti 'strani.
Aviti vistu jorna senza suli
o notti senza luna quannu è ciaru?
Aviti vistu mari senza sali
o campi senza arbiri di ficu?
Chi cosa tristi è, sulu pinzari
chi fussi l'omu senza la famigghia,
senza la matri ca ppi nui è tuttu:
ppi idda l'omu porta 'n coddu 'n cori
ca quannu è nicu lu riscalda e crisci
e si lu stringi forti a lu so' pettu.
Angelo Rullini

'U TRATTINITIMI di Girolamo Melissa

'U TRATTINITIMI
Ogni jornu
ppi livarimi ddo' menzu
mi mannava 'nta za Cicca.
Tra fasola ciciri e lenticchia
ju circava na merci assai ricca.
Poi dopu lu mezzujornu
quannu a casa faceva ritornu
era 'a stissa litania
"forsi dumani 'a portunu
matri mia".
Girolamo Melissa

Girolamo Melissa d'Augusta, con questi versi ci riporta picciriddi, quando le nostre madri indaffarate per toglierci di torno ci mandavano 'a putìa per comprare 'U TRATTINITIMI! La bottegaia, ridendo, capiva perfettamente e ci tratteneva dicendo d'aspettare perchè 'U TRATTINITIMI lo stavano portando. Poi passate due orette ci rimandava a casa dicendo di ripassare un altro giorno!

CUNSIGGHIU RI PATRI di Letterio Cafeo

CUNSIGGHIU RI PATRI
Un jornu 'n patri rissi 'o propriu figghiu:
Veni vicinu a mia, figghiuzzu, veni!
sentu bisognu 'i rariti 'n cunsigghiu
pirchì cchiù crisci cchiù ti vogghiu beni.
'Nta la vita, nun tu scurdari mai,
s'a iri avanti senza fari sbagghiu;
i cosi cchiù 'mpurtanti già li sai,
sunu: saluti, famigghia e travagghiu.
'U patri, 'u Figghiu e 'u Spiritu Santu
su' cosi granni assai ppi ccu ci cridi
assemi a la Madonna e lu so chiantu.
Ju, ti cunsigghiu, abbrazzali ccu fidi.
Letterio Cafeo

MAMMUZZA di Giuseppe Barbagallo

Il poeta Giuseppe Barbagallo (foto: Gino Cataudo) MAMMUZZA
Mamma mia
mammuzza duci,
nun mi li scordu no
ju li to' baci;
l'amurusanzi to'
'i to' biddizzi
nun mi li scordu no
'i to' carizzi.
P'aviriti ccu mia
sai chi facissi?
'a vita mia
m'ha cririri
ju dassi
ca quannu penzu a lu to' surrisu
mi sentu sempri 'n paradisu.
Giuseppe Barbagallo

per contattarci www.anteaspoesie@yahoo.it

CANZUNI DI SDEGNU - popolare

SIRACUSA - straduzza d'Ortigia 'Nta sta strata
ci sta na mala spina
e mala spina
si pozza chiamari
javi 'na lingua
di na sirpintina
serpenti
si la pozzunu manciari

In questa strada ci sta una cattiva persona e cattiva donna si possa chiamare, ha la lingua di un serpende, e i serpenti se la possono mangiare.

per contattarci - alfeopoesie@yahoo.it

MODI DI DIRE DIALETTALI

'U vidi ca 'a sorti nun ti dici? Jettiti 'n terra e cogghi vavalùci.

Lo vedi che la sorte non è dalla tua parte? Buttati a terra e raccogli lumache.

(Quando le cose vanno male, occorre rassegnarsi e attendere)

anteaspoesie@yahoo.it